劉德華（華仔）經常光顧的旺角京華國際酒店，被衞生署證實是奪命肺炎病毒的源頭所在，而華仔的助手昨日表示，華仔近日已少到京華國際酒店，他亦認為不能擔心得太多。
近日本港發現多宗非典型肺炎，而日前衞生署證實主要病源來自旺角窩打老道京華國際酒店，由於鎖定病毒源頭，故此該酒店已關閉九樓全層進行消毒，其他層數則照常營業。而消息傳出後，部份住客即戴上口罩及辦理退房手續。除了遊客及一般市民外，原來有消息指住在附近加多利山的劉德華因貪方便，經常會到京華國際酒店的餐廳用膳，並視那裏為「飯堂」。
記者昨日聯絡華仔，問他有否得悉京華國際酒店九樓是奪命肺炎的病毒源頭，華仔透過助手阿威說：「華仔呢排為電影做籌備工作，佢真係好忙，華仔都好耐冇去過京華國際酒店。就算有去都唔擔心得咁多，華仔平時最多都係去京華國際酒店嘅餐廳，餐廳都係喺地下同二樓，同九樓都隔咗咁遠。」
華仔曾到過京華國際酒店，那麼他可會擔心身體健康受影響？阿威說：「如果要驚，去到邊都有機會傳染，唔係特定一個地方先有事，所以唔擔心。華仔覺得預防疾病，最重要係保持個人衞生同埋注意飲食，多過俾人傳染。」
採訪：蔡如玉
