古天樂睇好薯嘜

古天樂：
雖然《鋼琴戰曲》嘅艾德烈邦迪做得唔錯，但我會睇好《薯嘜先生》嘅積尼高遜同《紐約風雲》嘅丹尼爾路易斯，自己更加對積尼高遜睇高一線，覺得佢最有機會做影帝。

影評人曉龍：
《紐約風雲》嘅丹尼爾以前做拳手似到足，今次扮黑幫頭目亦入型入格，好有粗獷感，我睇好佢。

影評人張居：
奧斯卡評審嘅「世界視野」愈嚟愈敏銳，瘦骨嶙峋嘅艾德烈邦迪演命苦鋼琴家，雖然表現只係中上，名氣亦輸晒，但食正反戰浪潮，以半冷姿態跑出都唔奇，當年羅拔圖貝尼尼未攞影帝之前，一樣冇人識。