港大噚晚頒授名譽博士學位畀前行會成員王䓪鳴以及上海前任市長、現任政協副主席徐匡迪等五位知名人士，由港大副校監李國寶主禮。嘉賓包括大律師公會前主席梁家傑、「上海姑爺」羅康瑞、藍鴻震等，李國寶太太亦做「跟得夫人」。完場時李國寶（左）更向王䓪鳴（右）「大贈送」西式親吻一個，認真熱情。
王䓪鳴老死任關佩英都有到，已經退下火線嘅「鐵蝴蝶」任太遇上寶Baby，心情更輕鬆，話自己正在享受生命，學緊畫畫。兩個人講到阿松事件就變得好肉緊，匿埋一邊密斟，一個話：「真係慘，你話咁講有冇人信？」另一個就話：「但佢Giveup（放棄）咗好多嘢喎！」「不過唔係你點講，問題係人哋點睇。」任太做過廉政專員，對於高官操守難免緊張啲。
（圖）真高興！
傳真︰2623-9278
電郵︰