郭富城（城城）昨日乘坐私人飛機起程到吉隆坡的雪邦賽車場，參加保時捷CarreraCupAsia賽事，城城除了獲贊助一部保時捷911賽車參賽外，Gulfstream飛機公司亦提供一部私人飛機讓城城使用。
城城一見到私人飛機即表現得十分興奮，又拍照留念，他說：「我今次都係第一次坐私人飛機，佢哋話呢架機同湯告魯斯嗰架嘅型號係一樣，我都有興趣試吓學揸飛機，但就未諗過買番架。」提到美國已經攻打伊拉克，城城說：「我都知開戰，覺得好唔開心，不過都唔驚得咁多，行出街都可能會有意外啦！冇得控制。」
城城透露，今次賽事有不少高手參加，不過他會盡力而為，向贊助商交代，如果可以排名第五或六，他已經很滿意。