經濟唔好、政府加稅、美伊開戰、再加上非典型肺炎肆虐，本港零售業可以話打擊重重。不過，有班理大學生就朝氣勃勃咁希望投身零售業。
最近先施百貨贊助理大搞咗個「創意零售獎學金」，畀紡織及製衣學系高級文憑嘅學生發揮零售業管理嘅創意。
八方同三位得獎學生傾過，冠軍Christine話先施應該針對唔同地區，設計各間分店嘅獨有形象，例如上環店應該走中產同高檔路線，深水埗老人多，就要多賣平嘢。
雖然呢班同學都冇乜實際營商經驗，但創意十足，先施大老闆馬景煊話，上年就參照學生嘅參賽意見，喺店內搞發售食品嘅櫃位，結果客流量大增。
傳真︰2623-9278
電郵︰