$1可以食得有幾大？原本都真係冇乜期望！須知平如「麥噹噹」，都要$2一杯軟雪糕！不過最近去開深水埗，發現一間新開張個零月，行中、高檔路線嘅海鮮酒家，佢哋夜市做勁抵$1小菜，最強係有成20款揀，全部都係價錢唔平嘅菜式，而且老闆重好大方話唔設最低消費，𠵱家上酒樓食飯，真係隨時重平過喺屋企煮！
記者：朱崇德
攝影：黃叔榮
ImageGirl：Irene
夜市$1小菜，間唔中都會有酒樓玩吓，不過好似呢間咁玩得咁大，唔設最低消費，又有成20款任揀，真係從未有酒樓試過！曾經隨便問句：「食二十碟菜埋單係咪真係二十蚊先（唔計茶芥）？」商務經理練志強答：「係，可以可以。」
他續說：「好多酒樓做過$1菜，不過多數都只限於一個半個平價粗菜，至於小菜方面，由於成本較貴，而且又係酒樓最賺錢嘅食品，所以通常都唔會做！」
不過今次做嘅$1小菜，貴價菜式如帶子賽螃蟹、牛油焗生蝦等，林林總總20款都包含其中，而且全部重係即叫即整！「基本上$1小菜嘅用料份量，同平時一般小菜冇分別，唔會話因價就貨！而且每味$1小菜原價都賣成$50至$80，所以真係幾抵食！」
基本只需每晚6至9點入座，兩個人去就可以點一味$1小菜；如果7人或以上，就可以任點兩味，而且酒樓重會多送一支紅酒你飲！
價錢平雖然好重要，不過質量亦都係大家最關心嘅問題，但最令小記驚訝的，係食物出品基本完全唔用味精，而用成本較貴，金華火腿、老雞自己熬製嘅「上湯」做法。須知呢種老派做法，上湯成本已較貴，而且「生料」亦一定要用最新鮮嚟配合，質量有一定保證，難怪開業一年就有成三間分店。
呢味係取經自齋菜中的名菜「法海蒲團」。「法」是將齋料釀入一個冬瓜之內，而「玉」則將冬瓜切成一圈，用上湯扣熟，然後再改用竹笙、冬菇、蜜糖豆、雲耳等上素充實其中。齋菜入口清香程度簡直比食冬瓜盅有過之而無不及。
金寶嘅沙律海鮮卷主角係新鮮嘅帶子同蝦仁，不過最特別之處，係同時使用了鮮生果，取其清新，罐頭生果取其香甜味覺！
每隻蝦差唔多有手指公咁大！大廚飛哥話汁醬調校好重要，一般齋用沙律醬做汁，味道會太酸而蓋過鮮蝦味，訣竅係要另加入檸檬汁及煉奶調味，檸檬汁會帶出蝦的鮮味，煉奶會中和沙律醬一部份酸味，而且入口更腍更滑！
賽螃蟹係上海菜中嘅貴價菜，閒閒哋都要$70-$80！帶子係每日新鮮運到，蛋白用少油、溫火、快炒，好處係唔油膩而做到鬆軟效果，不過就要多啲時間同工夫！
一碟有成近20隻中蝦，真係畀$1你去街市自己買，我都驚你俾街市佬鬧！小記入廚房巡察時，發現佢哋真係用正生猛新鮮蝦，而牛油焗嘅香脆程度，真係正到可以連蝦頭都可以食埋！
金寶海鮮酒家
地址：深水埗西九龍中心7樓711室
電話：23862088
營業時間：早上7:00-凌晨12:00（星期一至日）