孫佳君日前在中環拍攝由緋聞男友伍健雄監製的新片《某年某月某日》，伍健雄未有到場，但由於孫佳君打扮搶眼，又不時搔首弄姿摸PatPat，吸引數名地盤工友駐足觀看。
孫佳君離開英皇電影部後，自行接拍由緋聞男友、老友記電影公司老闆伍健雄監製的新片《某年某月某日》，日前孫佳君和另一主角謝君豪在中環機鐵站附近取景，孫佳君身穿紅色長裙，非常搶鏡。
孫佳君和謝君豪早上到達中環機鐵站外的停車場後，隨即埋位拍攝，劇情講述拉着行李的孫佳君，在機鐵站外協助一名阿婆拿行李，但她卻慘被一名男途人撞開，而此情此景，則被正在拍照的謝君豪拍下。
雖然孫佳君的長裙不太性感，僅露出雪白玉臂，卻令不少男士向她投以注目禮，加上她不時搔首弄姿，又摸PatPat，令附近地盤的一班工友起勢狂昅，有些更駐足觀看。事後問到孫佳君，她說：「佢哋好少見女仔啫，講笑咋！」
早前孫佳君曾稱其緋聞男友兼監製伍健雄每日致電她十多次，但拍攝當日，卻未見伍健雄出現，孫佳君對此說：「我諗佢唔得閒嚟啩，𠵱家佢一日一個電話啦，其實我哋識咗好耐，朋友嚟㗎咋！」
孫佳君現為自由身，問她會否簽經理人？她說：「我𠵱家簽咗伍健雄三部戲，拍完睇吓點先啦，搵開我做嘢嘅人，都識得打電話畀我，所以我覺得有冇經理人都好似分別唔大，我𠵱家連私人助手都冇請，況且呢部戲啲工作人員好肯幫我，佢哋個個都好好人。」
採訪：朱芷瑩 攝影：陳偉權
