布殊最後通牒限期屆滿，美國即攻打伊拉克，務求盡快解決侯賽因，免得夜長夢多。阿虎初時以為美軍會等到今早至開戰，美軍如此快速行動，正合投資者速戰速決意願。
港股高開後回軟，但回近9100水平，又見大量資金入市接貨，出現好淡對撼局面。恒指收報9194，升35點，成交達87.34億元。亞洲市亦全面向好。不過，阿虎聽到淡友大戶周二及周三平淡倉後，噚日又再趁高造淡。
黑客話，打完仗之後，油價回落、市場預期格佬減息、日本可能推出刺激經濟方案，加上打贏仗後美國人心情較好，消費情緒會較高，亦有助經濟復甦。上述一連串向好憧憬，刺激好友落力入貨。
莊士中國（298）揚言可能會增持勤達（1172）股權，甚至會提出全面收購，刺激勤達大升5.4%，收0.49元。
莊士中國主要以行使可換股優先股來增持勤達，莊士中國於01年以每股0.60元購入該批優先股，若兌換為正股及以每股0.60元提出全購，收購價較勤達收市價0.49元有溢價22.45%。黑客話，莊士中國咁樣講法，唔知係咪明為增持，暗為博炒？
CaduceusMedica收購卓健亞洲（593）的現金代價，由每股0.15元調高至0.181元。不過，持有卓健28.5%股權的主要股東新鴻基公司（086）仍嫌收購價偏低，唔肯接受收購。
Caduceus再提高收購價的機會唔大，若果Caduceus未能獲卓健逾50%股東接納收購，收購建議隨時會告吹，亦即係話投資於卓健嘅風險開始增加。
阿虎