鍾麗緹昨日以特別嘉賓身份出席先施2003春夏時裝滙演，由四名赤裸上身的猛男抬着出場，儼如女王出巡。她表示享受被男友抱抱，更笑言纖體成功，抱起她不用費太大氣力。對於美伊開戰，是佛教徒的她不希望打仗禍及無辜人民。
先施百貨昨日於其中環店的DayOneLiving內舉行先施2003春夏時裝滙演，多位模特兒示範近八十套新裝，當中不乏性感內衣及泳裝。鍾麗緹以特別嘉賓身份出席，她坐於貴妃椅上，由四名赤裸上身的猛男抬着出場，氣勢不凡，其後她亦有換上兩套新裝，大展魅力。
鍾麗緹表示自己患上感冒一直無暇看醫生，昨天才剛剛能開聲，她指被抬着出場感覺極佳，她說：「好powerful，成個女王咁，係女人都鍾意俾人抱起或抬起㗎啦。」問她其男友有否試過抱起她，她嬌羞地說：「我唔識點答你哋，不過我已纖體，唔係咁重，佢（指男友）都抱得起我嘅。」
談到近況，鍾麗緹透露六月會往加拿大拍攝一部內地投資的電影，她在片中飾演女警，她說：「呢部戲唔使性感，反而有打戲，所以我都開始喺屋企練習番拉筋，今次我重會帶埋個女去，順便探吓屋企人。」
美伊開戰，問鍾麗緹有何看法？她說：「我啲屋企人全部喺加拿大，安全方面應該冇問題。但係我以一個佛教徒心態嚟睇，當然唔贊成打仗，雖然侯賽因唔係一個好人，但係打仗只會傷及無辜嘅伊拉克人民，我最希望係侯賽因千祈唔好用生化武器，總之全世界人都希望世界和平㗎啦。」
採訪：DebbieLum 攝影：ChanChiLam
