早前有報道指余文樂遭Ba叔收回他的平治座駕，向來愛車的余文樂昨日在車行看車，有經紀向他推銷一部近四百萬元的林寶堅尼跑車，余文樂坦言未有能力購買，但承認有意買部二手旅行車代步。
余文樂、王嘉明與Cookies成員Stephy、Theresa及Miki昨日在灣仔及中環街頭為雷宇揚監製的電影《百份百感覺》補拍部份鏡頭，余文樂在戲中飾演Jerry一角，周旋於Stephy及Theresa之間，為配合有型有款的形象，余文樂獲得車行借出一部近五十萬元的黑色蓮花Elise跑車拍攝。
昨日余文樂在車行借地方換衫時，乘機欣賞名車，車行經紀便向他推銷一部黃色林寶堅尼跑車，該款車在未加稅前售價為二百八十五萬元，但加稅後售價就接近四百萬，經紀表示余文樂現在落單，跑車可在○四年到港，余文樂聽後笑說：「架車○四年到，但係我啲錢○四年未到呢！」
余文樂事後表示有意買車，他說：「咁貴嘅車就冇錢買喇！如果買車都會揀部旅行車，我鍾意打波同滑浪，可以將啲嘢放晒喺架車度，我同阿媽傾過，佢都覺得我有需要，成日搭的士唔係咁化算，不過𠵱家加咗咁多汽車稅，所以會買二手車。」
此外，余文樂前晚在銅鑼灣加州紅為麥浚龍慶祝生日時，否認與鍾欣桐用情侶電話，他說：「我部電話陳小春都用緊，唔通我又追小春咩？我同克勤之前三部電話都一樣，唔通我哋又有嘢呀？」
採訪：卓美娟 攝影：陳慧安
