為送午飯給兒子，被汽車撞至重傷的劉女士，留院接近兩個月後，已於農曆年前出院。日前，記者帶同讀者捐款，探望這位仍在休養的好媽媽。「啲讀者真係有心，𠵱家我已經好番好多，不過暫時重要用柺杖行路，同埋定期做物理治療。」精神不俗的劉女士說。
三十八歲的劉女士，是一名單親媽媽，丈夫於四年前因肺癌病逝，她與八歲就讀小三的兒子靠綜援金相依為命。為了省錢，劉女士每天均會自製「愛心」飯盒，並親自送到兒子的學校，可是在去年十二月一個滂沱大雨的中午，劉女士送飯途中不幸被一輛的士撞倒，情況一度十分嚴重。
說起這次意外，劉女士臉上猶有餘悸，她表示：「真係執番身彩，當時傷咗個頭，盆骨碎咗，足足喺醫院留醫咗五十二日，𠵱家受傷嘅地方重有啲痛，晚晚要食止痛藥先瞓到覺。」
雖然經歷意外，卻令劉女士深深體會到人間有情。「好多素未謀面嘅善心人專登走嚟醫院探我，又送糧食上嚟，學校重免費送飯盒畀仔仔食，我真係好感動。」
記者日前將一筆讀者捐款合共五千元轉交劉女士，她簽收時透露：「我打算儲起呢筆錢，遲啲或者幫仔仔買部電腦，因為佢返學要上電腦課，屋企冇電腦，對佢學習好唔方便。」
捐款編號：C0763
暖流熱線
電話：29908688
傳真：23702192
電郵：
網址：