肺炎肆虐，八方醒起立法會主席范徐麗泰個女范凌華醫科畢業後，喺威院實習過，八方連忙問候吓范小姐近況。得到嘅答案係，范小姐事發前已經轉咗服務另一間公立醫院，雖然該醫院都有零星非典型肺炎，不過范小姐非常健康，所以范太先可以咁安心喺立法會主持會議。
寶Baby新歡出年運到
其實天下父母緊張兒女理所當然，阿松都為新生Baby忘晒形啦。不過立法會議員李國寶近期嘅Baby，就肯定係佢嘅新歡──世紀豪車平治Maybach。
寶Baby噚日喺立法會話，雖然第一水嘅Maybach今年到港，不過佢寧願等明年第二水車，貪到時多啲零件。唔知乜嘢零件咁緊要呢？唔通想有多個鞋櫃擺佢對繡咗名嘅皮鞋？
（圖）范太個女范凌華曾經喺威院實習過，𠵱家喺另一間公立醫院服務。 資料圖片
傳真︰2623-9278
電郵︰