平日總是聽到「今晚去旺角食壽司吖?!」日本食店客路始終離不開一班年輕人，他們愛新鮮也肯花錢，但除了識迴轉嘅壽司店較平之外，似乎別無他選，其實要在旺角找間酒店級質素迴轉店價錢兼捧腹而回的日本食店，不難！
記者：謝翠玲
攝影：黃叔榮
我走訪了其中兩間，問到經理真的有錢賺嗎？屈先生說是一蚊一蚊賺回來的，因為成本價太高！再問大廚余先生，當他聽到客人一句「物超所值」，就是最大的回報！真有如此抵食之事？以下推介，唔使一百蚊就可以食到最正宗日式料理，絕無花假！
第1間超平之選
余先生做了十多二十年大廚，最初主攻西餐，其後由為人熟悉的法國菜、意大利菜以至冷門的匈牙利菜，他都有做過，除了純西式菜，他也有多年做日本菜的經驗，集合對其他國家菜式和日本菜的經驗，余師傅便創製出多種合乎最新日本飲食潮流的洋風料理。余先生雖然主要在廚房工作，但他每晚仍會親身在岩上燒的位置親自為顧客炮製食物，因為這樣才有機會讓他知道顧客的真實反應。
同行都讚夠創意
余師傅心聲：最令我滿意嘅應該係呢個菜，因為無幾多人有諗過將咁貴嘅法國鵝肝用嚟炒飯！有同行嘅大廚朋友嚟試過菜，都覺得創意不俗！
記者試食：未食已覺得有陣陣鵝油香，咬入口有已事先炒香過的鵝肝粒和牛柳粒，不過我更欣賞的是其中切得細碎的大葱和甘笋，令整個飯的味道中和，不會覺得太油膩或感到鵝肝有羶味。
日本客大讚好食
余師傅心聲：牛尾鍋要做得好食又唔羶，靚料好重要！試過唔計成本咁入咗啲日本牛尾，但效果都唔太理想，最後終於畀我搵到美國嘅靚牛尾，出嚟效果好好。呢個牛尾鍋混合咗日本同西式香料，加入清酒燜近三至四個鐘頭先賣得。試過有日本客嚟食過我啲牛尾鍋都豎起手指讚好！
記者試食：我一向都比較少吃牛尾菜式的，亦拿起筷子試食了。牛尾要燜得耐才會有軟滑的質感，加上大量的香料和清酒燜過，將牛尾帶有的羶味清除。
用大隻虎蝦嚟包
余師傅心聲：晚市時幾乎每枱客都會點！呢個蝦壽司卷用上成隻虎蝦嚟做，重要揀啲比較大隻嘅蝦嚟包，壽司中加上芝士同牛油果絲，令味道更濃更香。有時如果隻蝦唔夠大，重會額外加一件嚟令每份金龍卷都一樣大！
記者試食：我自己最喜歡這個和風金龍卷，包着飯的虎蝦大大隻，咬入口很有質感，而且蝦肉很鮮甜，飯面附着鮮味的蟹子，點沙律醬很配合，原以為只會食一件便會放手，結果我差點一個人把全碟吃光！
彈牙唔乾身
余師傅心聲：呢個大蝦燒係岩上燒中最受客人歡迎嘅一種。燒蝦用嘅岩石板要成九百幾蚊一塊！每份蝦有兩隻大虎蝦，要回本就要燒多幾份！試過有客人臨走前同我講：「你哋賣得好平喎！」未煮嘅蝦喺街市都差唔多要八九十蚊一斤，太太們知市價，更加識欣賞，我都有滿足感。
記者試食：放在岩石板上燒香的大虎蝦，有陣陣的燒烤香味，但肉質卻不乾，加上淋上了蒜茸淡牛油汁，仍可保持蝦肉應有的肉汁和鮮甜味道。
地址：旺角西洋菜南街2號A銀城廣場3樓
電話：27708000
營業時間：11:30am-2:00am
第2間超平之選
清甜湯唔油膩
提議點選次數：３
記者試食：營養和味道也很平衡，雖然不算是太特別的菜式，但勝在牛肉和蔬菜這兩種簡單的口味很易令人受落，吃過油炸的天婦羅後，不妨點選這種帶清甜湯水的湯鍋來平衡一下口味，由於任食的份量不太大，可以點三次也無妨。
着數１
$128任叫（限時1.5小時）
計有一品湯鍋料理、爐端燒物、刺身?沙律?小食、揚物?天婦羅、壽司?卷物?手卷、湯麵?烏冬?飯六類食品，每次可點三款，按人數而安排份量，大多都是落單才做。要想回本，比較多人會選擇刺身和壽司。
着數2
7點前及9點半後有9折
這間日本餐廳原來是做一般的日本料理，但因為市道不景，於是便由普通的日本料理改為這種一口價任食餐，其後生意也真的增多，這幾款推介都是在菜單中又比較有特色的，至於份量則會因應人數而分配，但份量不會太多，可以每樣都試過後才再翻點喜愛的菜式，非繁忙時間幫襯重有九折㖭！
唔可以攤凍食
提議點選次數：１
記者試食：這種二合一天婦羅，把蝦肉釀在鰻魚上，鰻魚的質感和口感也變得豐富了，天婦羅當然要趁熱吃，而且加上蝦肉涼了便易有腥味，所以更加要快食，但天婦羅多吃會滯，點一次已足夠。
金菇菜吸盡精華
提議點選次數：２
記者試食：清酒煮蜆是很傳統的日本菜式，這個是其中比較多人點選的菜式之一，以清酒煮的蜆肉沒有腥味，而是有陣陣濃郁的酒味，連放在鍋中一同煮的金菇菜也吸收了所有的蜆肉和酒味。試完一次，不妨多點一次。
青葉日本料理
地址：旺角西洋菜街１號兆萬中心5樓
電話：23001985
晚市營業時間：6:00pm-11:30pm