汪明荃昨日接受商台直播訪問，除宣傳她於下月舉行的兩場「明荃明曲明星2003演唱會」外，身為政協委員的她更大談對財政司司長梁錦松買車風波一事的看法，她說：「我好同情佢，但係喺呢件事上面幫唔到佢。」
問阿姐阿松是否「幫唔落」？她說：「係，我覺得身為一個高官，真係時時刻刻都要有個警惕性，作為一個政治人物就必須要有智慧。」問阿姐對阿松有何建議時，她說：「如果我係佢我會唔做囉。」
將眼眉染了啡色的阿姐令人眼前一亮，她笑說：「阿倫（譚詠麟）從未讚過我嘅，今次都讚我靚呀！」而阿姐目前亦正積極籌備演唱會的工作，她說：「其實我都好忙㗎，早輪去北京開會，返嚟就去咗內地拍咗個廣告，所以呢個禮拜有啲宣傳工作要做啦。」
採訪、攝影：胡比