香港失業人口眾多，能夠成功脫離失業大軍，重投社會工作，是十分難得的機會，阿生有幸成為其中之一。「我足足失業咗一年，呢段日子真係好難捱，𠵱家搵到份工，我一定會好畀心機咁去做。」五十二歲的阿生喜孜孜地說。
擁有預科學歷，有十多年管理經驗的阿生，一直在內地從事製衣工作，可惜去年中，他任職的工廠倒閉，阿生不幸失業，之後便一直找不到新工作。「我真係冇諗過香港市道會咁差，由文職一路搵到清潔工人都冇人請，嗰時真係好彷徨，好唔開心。」在港舉目無親的阿生，在最困難的時候，連落腳的地方也沒有，要申請入住志願機構的單身人士宿舍，並靠着一千八百餘元的綜援金過活。
雖然身處逆境，但阿生卻沒有因而放棄，他每天會到圖書館看報紙尋找工作，憑其不屈不撓的精神，他在本月中，終獲一間洋服店聘用為銷售經理，展開新的一頁，可是上班前他正面對另一次嚴峻考驗。「我連返工嘅車錢、飯錢都冇，社署又唔可以墊支住畀我先，我根本冇辦法捱到月尾等公司出糧，唔通因為咁要我眼白白放棄份工咩，我又好唔甘心，所以惟有向蘋果基金求助，希望你哋可以幫吓我。」
蘋果日報慈善基金了解過阿生的處境，亦見其自力更生精神可嘉，遂撥款一千二百元，好讓他可以專心工作。
捐款編號：C0876
暖流熱線
電話：29908688
傳真：23702192
電郵：
網址：