「PS2嘅Game，日日都有人搵二手，是新貨定價太高所致。通常出咗三日就有人話要貨，好似FFX-2，出咗兩個禮拜，日日都有人搵，其實邊有咁多二手Game，至少都要人打爆機嘛。所以每逢放完假後就特別多大Game放出街，但有啲就日日有人搵又日日有人放，以下五隻就是！」黃金高達阿駿說。
記者：梁佩芬 攝影：伍慶泉
「FF一出，無人能比，而且其畫面質素，都係Game中最高。出咗兩星期，個個都問有冇二手，因為新碟睇個勢，無半年都唔會跌，而且FFFans多，又話有新電影上，個Game就梗多人要啦，但貨不多，平均一日收得一兩隻。」
「簡直經典，出咁耐紅咁耐，又係最多貨嘅二手Game，隔兩三日就有人嚟放。回收Check碟會較謹慎，好多時啲人都玩到碟好花，先攞嚟放，個價就好低。」
「RPG中《魔女與女神》最好玩，角色又多，照理應該少人放，但最近一個月連出數隻大Game，又見其回收價都重有六成左右，用嚟套現或者Trade-in都好。啲二手Game迷都好醒，見有新嘢出就即搵佢嚟換！」
「出街一個月，係冒險射擊遊戲，畫面靚，都幾好玩。不過，玩過後好多人覺得難度唔高，你睇個回收價唔高都知呢隻Game價值，好多人放咗嚟換FF。」
「戰棋兵器Game，音樂好聽，出咗半個月，新碟有排都唔會平，當然就係搵二手抵啦。同《BiohazardGunsurivor4》相反，有人放其他Game換番呢隻。」
高達公司（23861986）
地址：深水埗黃金商場地下13B?7A舖