雖然話就話美伊就快打杖，但噚日大市仍然勁升237點，兼重返9000之上收市，但小初膽細，並無跟風買股，反而趁高沽貨套現。
日前提過嘅TCL國際（1070）、華瀚生物製藥（587）同埋亞洲鋁業（930），噚日一齊出業績，全部都對辦，其中TCL同亞鋁就更加令人喜出望外，但小初就趁高沽出TCL同埋華瀚，至於亞鋁就覺得可以坐多一陣，皆因小初聽聞幕後重想炒多鋪，但就唔知時勢會否配合。
食完胡之後，又同經紀陳打牙骱，佢叫小初睇吓隻活力世界（8100），自從隻股公布轉咗一個主要股東後，股價出現異動，成交亦大咗。活力世界噚日升17.6%，收0.06元，話就話成交大咗，但唔夠40萬元。
經紀陳話，全人類都知道活力世界係大檸檬系內股份，今次佢肯沽貨，似乎真係有淡出之意。小初真係好耐未聽過大檸檬嘅消息，但活力世界係創業板股，真係冇乜興趣玩。
慕容小初