好耐冇見波鞋界料王「波鞋占」，冇見一輪仍然精力充沛。原來佢剛剛搞完波鞋展，搵嚟過百對時下細路最鍾意講嘅DoubleName波鞋展出，重賣埋海報，非常熱鬧。聽講話啲鞋唔少靠教父P借出，展覽先可完成，實在厲害！
「波鞋占」話以潮流界嚟講，香港已成為重要城市之一，以前因為翻版多所以聞名，𠵱家卻因為香港都有代表性Creator，尤其幾年前連Futura都嚟參加大型Party，大讚銅鑼灣夠獨特，香港終可緊接上位。
就連關刀鞋最近都好睇重香港，以及台灣、新加坡等城市，所以間唔中推出特別版波鞋。「波鞋占」爆料，四月有對正式W-NamePremium，係同香港一個Figure老牌子搞，聞說款式係DunkHigh，只得10對，屬非賣品用途。
呢單嘢聽講收得好密，𠵱家各方好友正在刮料。業內人士分析，如果單料屬實，都會引起一陣話題，話晒今次搞嘅鞋款唔係過往嘅二、三線嘢，而係一線重頭，過去只有同日本或美國「對親家」，如今竟然同香港公司搞，而且PremiumDunkHigh話晒未出過Crossover，所以份外具話題性。所以唔少人都半信半疑，有最新消息一定要跟進。《蘋果》潮流版記者有料記得話畀大家聽。
主持人：大食Jack
八卦熱報：