噚日有線電視嘅母公司有線寬頻公布業績，較市場預期差好多，跌幅達三成，主席吳天海當然心情唔多靚，不過有線新聞台今次採訪中東備戰，記者馮德雄留守到最後一分鐘，前晚至同中國駐伊拉克大使一齊撤走，吳生應該相當高興。
八方問吳天海佢點睇香港未來經濟前景，對佢門生意又有何影響？佢話雖然今年有強勁對手出現，但呢樣嘢唔係最緊要，關鍵係經濟疲弱，「外圍（打仗）啦、香港其他問題：財赤、加稅……心情唔好。」心情差同經濟有關？海哥冇講點解，但八方估計心情差，自然冇心機消費，慳得就慳囉。
不過八方相信，若果佢同老闆吳光正咁樣解釋，恐怕未必好似梁錦松，咁易得到老細嘅諒解喇。
（圖）有線寬頻噚日公布業績，主席吳天海嘅心情亦唔多靚。
傳真︰2623-9278
電郵︰