間中會去CoffeeShop歎杯咖啡睇睇雜誌，即使只是歇一歇，已不失為充電的好方法，而近期則偏好愈開愈多的咖啡室私竇，至少「蛇王」沒那麼容易被人捉個正着。不過，家陣CoffeeShop並非單單畀個地方你飲杯咖啡食件Cake，更可以包場開Party兼上樓BBQ，看見人家開生日會搞BBQ，玩得興起，原來地方細細不但一樣玩得開心，更加是又放又Warm。
記者：招佩珊
攝影：伍慶泉、楊錦文
Model：Kenny、Sugar、Winky、Keith、Karen（Sunspot）
幾張布豆袋櫈、一張長梳化，加上昏黃色的柔和燈光，有如家一樣的布置，感覺好Warm。雖則地方細細只得約六百呎，容納了五、六張可坐三至四個人的枱仔，我就反而喜歡人少少夠清靜，這正是我歇腳的心水咖啡店，日間可以食Lunch歎Tea，而晚上就搖身一變成為開派對場地。這晚正好遇上壽星仔Eddie與他的朋友一行10人坐在近窗口的位置開生日派對，他們一邊吃着焗薯角、粟米片、煙三文魚等小食，一邊玩蘋果棋、波子棋及竹籤等遊戲，這不是我的兒時玩意嗎？原來圓枱後的多層木櫃放了多款懷舊玩具，例如鐵皮車、飛行棋、叠叠樂、UNO、波子棋等，這些都是一般咖啡室較少有的，單是聽他們的嘻哈聲此起彼落，遊戲簡單卻玩得非常投入。
登上咖啡室那天是星期四晚，碰巧是店內每個星期四都會有的塔羅牌之夜，在場會有塔羅牌老師Fanny為客人免費占卜，相信這亦最受女孩子歡迎，無他，可以占卜愛情運，試問有哪個女孩子不想知？包括我在內。至於占卜結果如何？是否很準？可要你親自試試看。老闆之一的Chris說，下個月更會有塔羅牌班，開派對的同時亦可以學到一些占卜技巧。
用家意見
Joanna：「呢度好Warm，唔似其他地方好嘈，多數都是來食Lunch或飲咖啡，不過響呢度開Party個環境都唔錯。」
SEEYOUTHENJ.A.C.K
地址：銅鑼灣波斯富街56號1樓前座
電話：34225103
營業時間：
12:30pm-11:00pm（星期日至四）
12:30pm-1:00am（星期五至六）
包場收費：星期一至四$1,000（包3小時場地，其中$500用作選擇餐牌內的食物及飲品）
星期五至日$1,600（包3小時場地，其中$800用作選擇餐牌內的食物及飲品）