謝霆鋒去年妨礙司法公正罪成，被判留案底及履行二百四十小時社會服務令，霆鋒事後申請上訴，若成功便可推翻罪名不留案底，但他昨日卻表示為了雙親，正考慮撤銷上訴。
霆鋒昨日往港台接受訪問，事後有記者問到有關上訴一事時，他表示仍未有結果。再問霆鋒會否希望盡快了結官司時，他深呼吸一下後，說：「當然想，但上唔上訴我重考慮中，我又要諗爹哋媽咪，爹哋媽咪一邊話『阿仔，要還你清白呀』，另一邊又話『唔好煩啦，好辛苦㗎』，我覺得兩邊都啱，但站喺自己立場，係咪吞咗佢呢？吞咗佢係咪代表我係一個好仔呢？我唔知呀。根本我都未排期，初頭就話三月，𠵱家愈搞愈耐，我反而唔好意思同阿媽講，要再等多四個月。」
此外，霆鋒舊愛張栢芝日前接受《娛樂滿天星》電話訪問時，表示經五日思量後已想得通透。霆鋒昨日在電台訪問中竟稱呼栢芝做某人，明顯劃清界線，他向主持周國豐及陳淑蘭說：「頭先有文字記者同我講，話你哋同某人做電台訪問。」周國豐說：「係呀，栢芝話五日諗通晒。」霆鋒即說：「五日可以諗通咁多嘢？我講下啫。」霆鋒又重申現時沒有拍拖。
採訪：駱華齡
攝影：何國豪