汪明荃、區瑞強、青山、楊燕、林沖和張帝等，前晚在無綫電視城為新節目《紅星追聲名歌SING》錄影。一班前輩歌手在錄影時頻吃NG，阿姐對此解釋是因為不習慣唱無綫安排的歌曲。
阿姐說：「呢個節目每次都會邀請唔同嘉賓上嚟，下次或者大家唱黃梅調，剛才大家NG係因為佢哋唔係唱自己嘅首本名曲，改唱第二啲歌，所以先至唔慣NG，一啲都唔出奇。如果我唱開《京華春夢》，改叫我唱鄭秀文嘅歌，我都會有咁樣嘅情況。」
此外，楊燕的家人在美國，她從紐約回港前，其家人都擔心香港爆發非典型肺炎，而且美國和伊拉克開戰在即，但最後楊燕仍堅持來港參與演出，她說：「我離開美國機場時，都見到好多軍人戒備，當地華人都唔主張開戰。」
採訪、攝影：楊潔雯