方力申、陳小春及任達華昨日分別在不同場合內宣揚反戰訊息，方力申穿上一件印上「NoWarOnIRAQ」的T恤，出席在銅鑼灣舉行的「全新強生防水膠布」活動。至於陳小春則以協康會大使身份出席在灣仔舉行的「第十二屆全港廚師精英大匯演」記者會，他更高呼：「布殊！叫佢去喫蕉！」
陳小春說：「打仗冇着數，唔打仗就所有人都有着數，如果打仗，布殊有着數，得美國一個國家有着數。」而方力申則說：「大家都唔想有戰爭，所以呢幾日我都會着住呢件T恤。我個美國朋友講笑咁話驚住有事，所以要將心入面想講嘅事盡快講畀我知。」至於任達華昨日在尖沙嘴提到即將開戰，他說：「係人都唔贊成打仗，我覺得應該由歷史去判斷邊個係罪人。」
攝影、採訪：魯萍