梁錦松呢輪冇運行，成個人都殘晒，一位中五學生就好同情佢嘅苦況，傳真咗一封信畀八方，佢覺得阿松只不過為咗個BB買車，唔應該俾人鬧得咁慘，佢重為小伏難過，個丈夫成日俾人鬧，港人係咪應該畀次機會佢呢？
大家聽到阿松連買尿布都講埋，都知佢慘情。𠵱家全世界包括特首辦都睇住事態發展，第一唔知立法會會點跟進，第二唔知老廉會唔會出手，最後唔知重有乜嘢未爆晒，當然北京新領導人點睇重係未知之數。
時至今日，有人就話不如好似收外傭稅一樣，攞啲新收嘅稅款畀阿松去再培訓，希望佢搞清楚乜嘢叫做公私分明喎。
傳真︰2623-9278
電郵︰