何鴻章媳婦何苗春暉昨日以香港糖尿病協會主席身份，出席在尖沙嘴鷹君酒店舉行的「Roche國際兒童及青少年繪畫比賽」記者會，其他出席者還包括沈殿霞。該比賽的參賽者全是患有糖尿病的兒童，而何苗春暉的十一歲女兒亦是糖尿病患者。
何苗春暉昨日說：「我個女七歲時發現患上糖尿病，當時全家人都好難受，精神壓力好大。為咗維持佢嘅血糖標準，全家嘅飲食習慣都改變咗，我哋冇甜品呢類食物嘅，即使係生日蛋糕都冇。」
何苗春暉續說：「個女一日要打四次針、拮手指八次，半夜我要起身幫佢拮手指，好似半夜起身餵奶咁。每日我會掛兩粒糖喺佢條頸度，等佢血糖低時即刻有嘢食，唔使突然暈倒。」
採訪、攝影：DebbieLum