噚晚會展舉行咗個「安全社區確認典禮」，家陣非典型肺炎肆虐，到底有冇擴散到社區，市民仍然矇查查，連主禮嘉賓署理特首曾蔭權致辭時，都加咗段評論非典型肺炎情況嘅說話。撞啱呢個時候世界衞生組織派員來香港頒呢個獎，都咪話唔諷刺。
更加巧合嘅，就係當煲呔講到「必須竭盡所能減少悲劇發生」時，忽然咳嗽起來，要用手掩口。唔少在場記者呢幾日都採訪過肺炎新聞，難免格外敏感，完場時好心問起佢嘅健康情況。雖然煲呔冇答，不過就笑笑口。
今次由世界衞生組織確認為「安全社區」嘅屯門同葵青區，係香港同中國首次獲得呢個殊榮嘅社區，即指「有系統地凝聚資源，減少於工作間、家中及路上意外受傷嘅機會」。
﹙圖﹚阿董上京，煲呔署理行政長官獨撐大局，應付來勢洶洶嘅非典型肺炎同阿松單嘢。
傳真︰2623-9278
電郵︰