喺剛舉行過嘅瑞士日內瓦車展上，快意車廠率先展出原先被稱為Project350，以及走小型MPV路線嘅Idea；據廠方新聞稿中指出，此車係一部糅合小型汽車嘅優良操控性，同埋MPV實用性於一身嘅新車款。響外形設計上，Idea可謂極富吸引力，除車身線條流暢外，一組直立式尾燈配搭，亦能給予尾隨駕駛者有明確提示。
車廂布局亦見獨特，不單止空間寬敞闊落，乘坐舒適之外，就連設備配搭亦見齊全易用。然而，廠方亦會為新車安排有多台引擎供用家選擇，當中包括有1.3Multijet及1.4公升型號等配搭，以切合不同用家需要呢！
新車預計會於今年秋季或明年初推出，未知香港車迷能否與其見面呢？