張燊悅昨日往金鐘太古廣場連卡佛，為化妝品品牌Aveda擔任模特兒，由化妝師為她示範兩款妝容，她示範夜間妝容，雙眼塗了銀色眼影，十分搶眼。
張燊悅穿上日本服裝品牌TsumoriChisato連身裙示人，本周日關心妍出席博愛show時曾穿着同一牌子新款連身裙亮相，問她被關心妍搶閘是否介意？張燊悅說：「梗係唔介意啦，條裙好貴㗎，而且同一類型嘅衫，唔同人着有唔同效果，關心妍長頭髮，我短頭髮，已經分別好大啦。」
下月張燊悅會為新片開工，拍檔是黃秋生，她說：「我之前拍《老鼠愛上貓》時同秋生合作過，拍完我嘅戲份後我走先，我留低咗啲毛氈同暖蛋賄賂秋生，今次合作應該冇問題啦。」 採訪、攝影：DebbieLum