想當初徐立之應承做港大校長，一心想提升港大地位，同哈佛、耶魯媲美，點知一年都唔夠，就要面對大學撥款被削，唔知徐校長有冇誤上賊船之感？
徐校長噚日話條數仍未計掂，不過佢重笑得出，話並不後悔返港做校長，因為每樣工作都有困難嘅時候，即使做實驗亦唔例外。不過徐校長難免對政府減咁多經費有少少失望，追哈（佛）趕耶（魯）嘅計劃亦可能要延遲。呢次削減經費，徐校長話每個院系及行政部門都會受影響，雖然唔會劃一，但最少都要3%。
港大聽日會頒授名譽博士學位予五位傑出人士，包括上海前任市長徐匡迪、王䓪鳴、蔡永燦、霍士達同狄恒神父。其實名譽學位一方面獎勵有傑出成就嘅人，另一方面，亦可為大學帶來熱心人士嘅捐贈，睇怕日後名譽學位只會愈來愈多。
傳真︰2623-9278
電郵︰