恒基地產主席四叔李兆基行走江湖咁耐，係人都畀面，但係「股壇獨行俠」DavidWebb好似同佢有仇，繼早排搞到恒基發展私有化失敗之後，噚日又公開話四叔偷懶，發起小股東否決佢繼續做東亞銀行非執行董事。
DavidWebb話四叔今年七十五歲，八七年開始做東亞董事兼核數委員會成員，委員會舊年開咗三次會，四叔次次都冇到，加上東亞係恒基嘅主要往來銀行，所以DavidWebb反對四叔續任東亞董事。
佢重提供四張授權票，畀記者二十四號出席東亞股東大會，投票反對四叔做董事。玩到咁大，東亞主席李國寶到時都唔知點收科。好彩DavidWebb唔關心政治，否則計吓寶Baby喺立法會出席率，肯定又有嘢講。
（圖）李兆基因為冇去東亞開會而被反對續任董事。
傳真︰2623-9278
電郵︰