「我哋搬上呢間公屋已經個幾月，呢度環境乾淨，地方比舊屋大四倍，所以我同啲仔女真係住得好舒服，人都精神咗。」張女士喜孜孜地向記者訴說。
張女士一家四口早前獲房屋署分配公屋單位，得以搬離狹窄及環境惡劣的天台屋，可是張女士靠丈夫阿鴻從事低收入工作養妻活兒，家境窮困，難有餘錢應付搬遷的龐大支出。四十五歲的張女士歎謂：「阿鴻做開護衞員，早幾年發現有糖尿病，俾護衞公司「炒魷魚」後，淨係搵到𠵱家呢份看更工作，晚晚返通宵，每月只得五千蚊人工，要死慳死抵去應付成頭家嘅開支，邊可能有錢剩！」張女士近年患上高血壓及心臟病，需定時服藥，且要避免操勞。
蘋果日報慈善基金早前撥款九千元予張女士，助她支付搬屋費用，紓緩其經濟壓力；記者近日另將善長捐款五千元轉交張女士簽收。
「你哋之前幫我搞掂搬屋，𠵱家又有咁多讀者捐款畀我，真係多謝！大女一向活潑好動，好想我攞二百幾蚊出嚟，畀佢報名參加非牟利團體喺暑假舉辦嘅青少年交流活動。本來我唔會畀錢個女參加，因為屋企窮唔可以隨便使錢；𠵱家得善長捐助，囡囡就可以達成心願囉。請幫我感謝各位善長仁翁！」張女士由衷地道謝。其一對子女現年十三歲和七歲，分別就讀中二及小一。
捐款編號：C0815
暖流熱線
電話：29908688
傳真：23702192
電郵：
網址：