梁錦松噚日喺立法會俾各位尊貴嘅議員糟躓，真係慘過遊刑，佢老哥話晒Banker出身，地位高尚。不過今次就連老婆、BB女同埋兩個助手都擺埋上枱，唉。
所謂「大丈夫一人做事一人當。」使唔使連阿松嘅左右手——新聞秘書譚志源同政務助理李達志坐過佢架新車都爆埋出嚟呀？唔怪得八方收到料話佢兩位都危危乎，遲早被人調走，聽講李達志係因為煲呔曾升咗職，所以去咗阿松馬廐度，如果有得調走都係好事。
至於改姓賴嘅阿松話手下冇畀指引佢，提佢做預算案時，要避免利益衝突（啲台詞咁熟口熟面嘅？）。唔知舊年由老廉過檔去庫務局做局長嘅黎年使唔使負責呢？佢老哥出名口密，亦最知乜嘢係以權謀私。
黎年噚日朝八點幾喺中環香港會出現，八方見到佢同財經事務局局長馬時亨，以及阿松企喺度等車，阿松神情輕鬆，重同記者講：「早晨！乜咁早啊！」，馬仔亦跟住問：「食早餐未呀？」真好口。
（圖）阿松同兩位下屬馬時亨（中）、黎年（右）一齊食完早餐，喺中環香港會前等車。 馬耀文攝
傳真︰2623-9278
電郵︰