本港爆發非典型肺炎，全港談病色變，滙豐銀行總經理柯清輝噚日講開肺炎，亦表示擔心，但佢最擔心係日日飆升嘅病患個案，影響旅遊業及消費，因為機艙空氣「侷住」，病菌最易擴散，旅客自然唔敢來港，就連滙豐嘅東南亞同事，原本要來港受訓，亦因肺炎而裹足不前。
不過身為滙豐大員，膽識果然非凡，有記者問銀行高層會否減少飛行，避免中招，點知柯總大大聲話：滙豐高層百毒不侵。
對於電視直播議員「會審阿松」，問柯清輝對司長偷步買車應否引咎辭職的看法，佢話要留番畀啲尊貴嘅議員處理。至於佢自己最近有冇買車，一向有碗話碗嘅柯總笑住話自己成二十年冇買過車，一直都係用公司車，近幾年經濟低迷，又冇薪加，「辛苦個辛就有得加」，總之話自己負擔唔起買新車云云……老總都呻窮，你話小市民點算？！
傳真︰2623-9278
電郵︰