買車揸搞到周身蟻，問責局長都係行路穩陣。四月六號山頂有個活動最啱高官參加──「每日八千步」開幕禮，環繞山頂行一個圈，民政事務局局長何志平已經第一時間報名做主禮嘉賓，阿松會唔會考慮一齊行？
呢個由香港醫學會發起嘅活動，源於有研究話香港人活動量嚴重不足，劇烈運動又唔係人人啱做，香港醫學會於是宣傳叫人每日記得行夠八千步。
行八千步，會唔會好辛苦？根據醫學界人士話，都市人每日行來行去，即使係由梳化行去開着電視，或者行去搭𨋢，加加埋埋有成二千幾步，即係話已經行咗四分一。如果不停行足八千步，大概需要四十五分鐘至一個鐘。何志平咁踴躍參加，都係睇中可以乘機消耗多啲卡路里。
傳真︰2623-9278
電郵︰