講起赤松，八方諗起國家財政部長項懷誠前排來港期間，談到梁錦松嘅財赤，相當幽默，想唔到佢上中央電視台受訪，都有精警語句，特別摘錄同大家分享。
訪問中，央視主持人話喺項部長嘅辦公枱上見到一棵搖錢樹，樹幹非常壯，但上面掛嘅錢特別少，問項部長點解？項部長話，棵樹係幾個月前，佢去同最高法院院長蕭揚傾公事後，蕭氏所送。
項部長話呢棵樹有兩個好處：「第一是好在上面錢不多，錢不多，來跟你要的人就少一點嘛。第二，樹幹粗，體現一個國家財政的特點，叫強幹弱枝呀。」這正正反映中國目前面對龐大赤字嘅問題。
八方即時想起，若果𠵱家要送一棵樹畀阿松，應該送邊種呢？
（圖）財政部長項懷誠話強幹弱枝嘅搖錢樹有好處。
傳真︰2623-9278
電郵︰