經常捐窿捐罅的我，最近發現位於東門的太陽廣場，五樓居然進駐了不少小型攤檔，佢哋主要售賣一些較為特別的產品。當中專門售賣民族飾物的小攤檔便最有睇頭，除了飾物價錢平外，重可以免費唱卡拉OK，真係聞所未聞。此外重有其他特色小攤檔，睇吓玩吓，話咁易就消磨了整個下午。
記者：歐嘉荃 攝影：小王子
Model：Alan&EdithfromSunSpot
太陽廣場樓高七層，每層均設有不同的購物主題，與香港的大型百貨公司類似，均以一站式購物商場的概念策劃，乃深圳市最大型的購物中心之一。五樓增設小型攤檔的意念，目的是希望吸納更多年輕顧客，故每個攤檔均各具特色。
地址：深圳東門解放路2001號
睇勻場內十多個攤檔，我覺得名為東門町的飾物店最有睇頭，店內售賣各式各樣的飾物，店員透露，飾物均來自印度、西藏等地方，所以款式均具有民族色彩。而我覺得最有噱頭的，就係可以免費唱K，唔使錢可以任唱，甚受少男少女歡迎，咁有頭腦，抵讚！
攤檔一
Alan和Edith唱完K後，就各自去揀心水飾物，Edith的戰利品多數來自西藏，包括4隻手鈪、1條長頸鏈及一對耳環，全部加埋只需?190，喺香港無可能買得到。
店名：東門町
電話：(86)75525764799
攤檔二
返到深圳我最鍾意就係睇啲充滿傳統風味的精品，好似呢檔售賣的陶器，原來是一種名為「塤」的古老民族樂器。這些樂器全部由攤檔的泥塑師張先生用陶泥手製而成，個個都極具特色。
在眾多款式中，我認為呢三隻馬騮最過癮，牠們分別是不看、不聽、不言，手工夠晒精細，造型好生鬼，高約6吋，每隻售?70。
店名：泥塤藝術
攤檔三
好多人都鍾意將另一半個樣掛在身上，呢個小檔口可即時幫你打造肖像鏈墜，店員話全套儀器由韓國引入，而呢啲肖像最受情侶歡迎。另外，還有很多媽咪鍾意將小朋友個樣整在鏈墜上。韓國都有呢款肖像鏈墜，不過價錢就要成二百幾蚊一個，試過有個客人喺韓國整過一個後，見到我哋嘅價錢咁平，一次過整咗十幾個。」
吊墜款式選擇夠多，圓形、長形均有，吊墜有鍍白金的銀色和鍍K金的銅色，兩者均受歡迎，價錢由?48至?68不等。
?48都嫌貴的話，我就建議你不如整貼紙算數，貼紙的製作過程與吊墜的大同小異，只不過製成品由吊墜變成銀色貼紙，價錢只是?8一張，整完可即刻貼在手機上，很受情侶歡迎。
店名：i-maxstyle電腦金屬刻相