香港雖然「貧病」交煎，黑過墨斗，但仍然有唔少揚威國際嘅人物。經常接受傳媒訪問、談論性問題嘅吳敏倫最近又有一項榮譽，就係獲得世界性學會頒發「性學金牌」。
八方噚日收到料，先知道有一個世界性學會，佢哋每兩年選出一啲喺性學以及性健康範疇上有傑出貢獻嘅學者，頒發性學金牌以示表揚，屬於現時頒予性學家嘅最高國際殊榮。
今次一共有兩個金牌得主，另一位得獎者係美國金賽性學研究院嘅總監約翰班加羅夫。
吳敏倫係港大醫學院精神醫學系教授，一向大力推廣性學，亦係香港性教育促進會副會長，喺香港幾乎一講性就諗起佢，得獎當之無愧。
傳真︰2623-9278
電郵︰