近年租霸橫行，佢哋唔驚包租公，唔驚差人，唔驚上法庭，但係提到梁展文，相信佢哋都會怕怕，事關佢新近有一個稱號，就係「租管殺手」。
八方噚日收到料，新一期房署嘅內部通訊，介紹佢喺租管方面嘅威水史。
原來香港過去二十年只放寬過租務管制一次，當時係一九九八年，政府撤銷咗戰前同部份戰後樓宇嘅租金管制，梁展文當時擔任房屋局副局長，𠵱家升任房屋及規劃地政局常任秘書長，再次着手放寬租住權管制，釋放私人住宅租務巿場嘅潛能，租管兜兜轉轉都係由佢操刀，真係有緣。
傳真︰2623-9278
電郵︰