恭喜恭喜！立法會議員陳智思Bernard又添丁，佢太太噚日凌晨四點喺山頂明德醫院誕下一名男嬰。但佢做乜將件喜事冚得咁密實，唔通驚好似阿松生女咁惹來咁多風雨？
已經有一個兩歲囝囝嘅Bernard，今次陪埋太太入產房，做攝影師影低珍貴一刻，但就忙亂到連BB出世時重幾多磅都唔記得。講到BB改名更加大陣仗，佢同阿爸陳有慶都係泰國華僑，除咗中英文名，泰文名都要諗埋，有排頭痛。
大家一樣做老竇，Bernard同阿松一樣，準備為BB買新車。
因為唔想BB坐四驅車而要買凌志、搞到一身蟻嘅阿松，若果之前同Bernard交流吓，可能就唔使咁大鑊。原來Bernard本身有架凌志房車，佢話唔多啱新生BB坐，反而定咗架四驅車，六月到港，要交新稅。
（圖）陳智思噚日凌晨又添丁，但就忙亂到連BB幾重都唔記得。
傳真︰2623-9278
電郵︰