立法會今日舉行政制事務委員會會議，重頭戲當然係排到三點半至講嘅梁錦松偷步買車事件，雖然老董喺今日赴京前已經為阿松解圍，聲聲體諒挽留，但係班民主派議員點肯收手？八方聽聞有人模擬部份問題，考驗阿松嘅應對。內容如下：
1.你以前連追小伏咁私人嘅事都公諸於世，點解娶咗老婆後判若兩人？
2.你真係咁公私分明？究竟架凌志LS430曝光後，有冇諗過收番車行多少廣告費？
3.問良心，買車嗰陣淨係記得自己係小伏老公、小小伏老竇？
4.點解楊永強咁醒，一聽到你話加車稅，就申報利益話自己買咗架車？
5.你點解用成八十萬買架新車咁大件事都唔話畀阿爺（老董是也）知？係咪怕A1（董太）要試坐？
傳真︰2623-9278
電郵︰