一年一度中環怡和大廈跑樓梯比賽噚日舉行，吸引近千人參加；今年係十七年嚟第一次畀中學生一齊玩，四十個學生分別來自四間學校，而其他參加者有一家大細，最細只有十四歲；有人重扮鬼扮馬，非常熱鬧。
冠軍由年利達律師事務所AlexCheung奪得，六分五十一秒跑晒四十九層，足足有九百八十級樓梯；女子組最快係金門建築嘅李麗儀，用咗九分半鐘。雖然今屆冇人打破紀錄，但可以為提倡精神健康嘅「思健」慈善計劃籌到一百萬元，作為未來兩年經費，跑到氣來氣喘都值得啦。 張志華攝
（圖）唔通扮小丑跑得快啲嘅？
傳真︰2623-9278
電郵︰