地板濕𣲷𣲷、洗完啲衫又勁耐都唔乾、廁所重一陣霉味；一到回南天，以上問題定必纏擾住全港家庭主婦，唯一解決方法都係添置番部抽濕機放喺屋企。以下介紹嘅各款抽濕機各有強項，有新款新功能、強勁抽濕量、超大容量水箱，保證可以解決潮濕帶來嘅所有煩惱。
記者：馬慶武
攝影：楊錦文、林栢鈞
Model：Cherry(Sunspot)
開動抽濕機時，門窗應要關上，否則屋外的濕氣會滲入屋內，影響抽濕的效果及速度。
抽濕機的出風口及吸風口前也要預留一定空間(一般為30cm)。一般抽濕機都不適合放進衣櫃或細小的密封地方，以避免溫度不斷上升發生故障。
要時常清洗盛水器，以免霉菌或細菌孳生。而清洗前十分鐘便應關上抽濕機，避免清洗盛水器時抽濕機仍有水流出。
抽濕機若在18OC或以下操作，若本身沒有除霜功能，可能會出現結霜，這時應關掉壓縮機15分鐘，待結霜溶掉後便可回復正常操作。
關機後最好等數分鐘後才再開機，否則會縮短抽濕機內壓縮機的壽命。
現在市面發售的抽濕機大多設有防溢功能，水箱盛滿後會自動關機，不用擔心水箱會滿瀉。
最強功能
(抽濕量：26公升/日水箱容量：5公升)
呢部機除擁有每日26公升強大抽濕量外，多項體貼功能更是眾多型號中獨有。新功能包括釋放負離子令室內微塵減少，空氣更清新。簡易操作模式自動調節室內濕度自行開關，配合多角度風向調校及乾衣功能，效能極高。此外更備防霉功能，每日自動運作兩小時使室內濕度下調至40%，防止霉菌生長。
最平最抵
(抽濕量：10公升/日水箱容量：2公升)
一千蚊唔使嘅價錢實在吸引，雖然抽濕量只有每日10公升，但對於家居面積不大或只放喺房間內作乾衣用途的用家已經頗為足夠。設有風速選擇、防溢裝置及水箱水位顯示，基本功能都算齊備。
最細衣櫃抽濕機
（抽濕量：200cc/日水箱容量：900cc）
超迷你抽濕機，只有29.2cm高，耗電量極低及具備防火設計，但除防溢裝置外只有簡單的抽濕功能。最適合放在衣櫃內、文件架、電腦或高級音響旁作長期抽濕之用。
靚仔慳位
（抽濕量：20公升/日水箱容量：4公升）
外形較其他抽濕機薄身，擺放位置更靈活，另外白色機身配上透明藍送風板及水箱，令外觀更靚。設有自動抽濕、自動除霜、上下及定位送風等功能，缺點係機身底部不設滑輪，較難移動。
自動乾衣
（抽濕量：20公升/日水箱容量：4.6公升）
新推出20公升型號，備有超強乾衣功能，開動後能自行估計乾衣所需時間，機面液晶畫面由橙色變為綠色，即代表衣物逐漸變乾，衣物乾透後便自動停止，極為方便。170度廣角送風、低溫環境操作功能及水滿響鬧亦係賣點之一。
超大水箱容積
（抽濕量：22.4公升/日水箱容量：9.5公升）
美國綠洲牌係抽濕機嘅老牌生產商，呢部抽濕機外形比較舊式，擁有自動濕度調校、防潮等功能，最強之處係擁有9.5公升超大容量盛水器，比起其他同級抽濕機大一倍有多，減少經常停機及倒水的機會。
銷售點：中原電器
地址：九龍灣德褔廣場1期G23-24店
電話：27572088
銷售點：豐澤電器
地址：銅鑼灣渣甸街京華中心三樓
電話：31628750
銷售點：德國寶
地址：土瓜灣馬頭角道116號新寶工商中心高層地下2-3號室
電話：23336245
輕便抽濕產品
可放在衣櫃、磁碟盒內，當企鵝肚上的英文字由藍色轉為粉紅色時，便代表吸濕包已吸滿濕氣，只要把吸濕包放進微波爐加熱約五分鐘令圖案變回藍色便可再用。
擁有較強的抽濕功能，適合放置在存放皮革用品或相機的箱子內，同樣可循環再用，但不可放進微波爐，經陽光曬約3小時後便可再使用。
銷售點：city'super
地址：尖沙嘴海港城3樓3001號舖
電話：23758222