雖然每年CeBIT前幾間大手機廠都會搶先將新機曝光，不過仍無損CeBIT的吸引程度，皆因不少新手機仍會在會場才正式現身。但係新機眾多，究竟邊部機先有潛質成為今年至Hot手機、最得用家歡心？一於就搵手機場店員同年輕用家，睇吓今年德國漢諾威CeBIT邊部機最有潛質跑得出！
記者、部份攝影：劉耀祥
Panasonic上年以GD88及GD55獲得不少用家歡心，今年繼續將成功元素延續，在CeBIT展出兩部後繼機種。X70外形與GD88勁似，不過就細約20%，集時下手機至Hot功能之大成，65,000色彩芒及鏡頭已屬現時新機之基本裝備，無線訊息傳送有MMS及藍芽供你差遣，兼且支援Java。亞洲版本制式為GSM900/1800/1900，預計今年秋季推出。
去年大賣之超小型手機GD55深受女士喜愛，Panasonic再接再厲Show出後繼機G50。順應潮流加入4,096色彩芒，畫面加大之餘使用介面亦經過改良，用GPRS睇WAP亦都更加方便，支援EMS及備有40和弦鈴聲，通話時間亦高達150分鐘，重量只有75g，絕對有能力成為03年的「女人之選」，推出日未定。
E390乃Motorola在CeBIT之重點產品，力推「現場環迴立體聲」鈴聲，以雙喇叭技術營造具有24頻道之3D立體聲音響效果，最啱對音效要求高的用家，利用隨機附送之軟件「MotoMixer」，更可做出自己獨有之鈴聲。機背有內置鏡頭，照片可以MMS傳送至其他手機，推出日期未定。
V600鏡頭摺機
Motorola另一部新機V600是旗下第一部具拍攝功能之摺機，最佳拍檔當然唔少得65,000色顯示屏，照片可即時製成Wallpaper、ScreenSaver、來電顯示相片，亦可以MMS或內置藍芽傳送至其他手機。
SL55在CeBIT前已經曝光，三頻SL55外形夠得意，功能亦出色，4,096彩芒、GPRS、Java，以及MMS，再加上79g的重量，最大目標當然就係年輕人市場。「外形好似推蓋式嘅Nokia7650，不過就細部得多，放落袋度都唔會好大嚿，5月就有得賣，係時候要儲定錢。」Stanly說。
概念手機以指代掣
T610曝光後受到各方好評，今年第二季就推出，估計賣四千蚊樓下，就連手機舖老闆阿忠都話一出就入貨。「呢排都已經有客問幾時有得賣，所以一出就梗係即刻入貨，自己都心思思想換機。」
自年前出過部SPH-i500的Palm手機，新版本終於在CeBIT面世，SGH-i500依舊行摺機，作業系統用最新的PalmOS5.2，是現時唯一公布使用5.2的機種，內置拍攝鏡頭，不讓SONY專美，內設SD插槽及320×320顯示器，推出日未定。
NEC亦展出最新之W-CDMA制式之PDA手機e808，同樣是摺機，設有QWERTY鍵盤，方便用家輸入。其他配備包括藍芽及鏡頭，可以拍攝照片及短片，以及解像度為132×162的彩芒。