高級組銀牌決賽兩隊合共二十八名球員，最後由年齡最大的李健和以黃金入球結束約兩小時的激戰。雖然，「和仔」賽後形容入球帶點幸運，如十分滿分計算，今場表現只值七分。但若有現場觀看或留意電視直播的球迷，看着三十五歲的「和仔」在攝氏二十七、八度高溫下全場奔走，也不得不說句：「和仔，你係得嘅！」
愉園對南華這場銀牌決賽，一隊質新當起，一隊經驗搭夠，賽前被譽為五五之爭，戰況果然高潮叠起，結果經驗致勝，南華憑「老將」李健和一腳定江山，失形勢而贏波，在場球迷看得津津樂道。
李健和賽後即成風頭躉，球迷在場邊大叫：「和仔好嘢！」、「和仔係得嘅！」，而記者們亦爭相訪問這名南華功臣。「和仔」說：「其實今場表現唔係咁好，下半場及加時我哋都處於劣勢，幾位年紀大嘅球員都有抽筋，能頂住唔輸係因一班球員嘅鬥志同決心。」
「和仔」補充說：「聯賽我哋已經冇乜希望，如今只有盡量爭取各項盃賽，對老細同一班支持我哋嘅球迷有所交代。」