大使早幾日收到一個消息，就係我哋嘅抗癌勇士談美寶Mable，已經不幸於三月六日離世，終年二十八歲。
大使認識患血癌嘅Mable都有好一段日子，聽到佢嘅死訊，心裏面實在好惋惜同好難過。
據Mable嘅媽咪談太所講，Mable自從今年頭入咗醫院之後，一直都未出過院，作為媽咪，已經做好晒心理準備，𠵱家Mable走咗，雖然係好唔捨得，但希望愛女可以去到另一個世界，唔使再受苦。談太重話，佢會學習Mable生前嗰份勇敢同堅強，好好生活落去。
Mable嘅離世固然叫人傷感，但大使就覺得，捐骨髓嘅行動唔應該停落嚟，因為𠵱家重有好多血癌病人等緊我哋嘅援手，好似大家熟悉嘅李漢傑、Katherine（梁向華）、蘇哥（蘇禮榮）、澤霖等等，佢哋都喺度咬緊牙關，等緊合適嘅骨髓，多一個樣本，佢哋就多一個生存機會。
其實希望處處，他們當中亦有已經搵到骨髓，只差時機適合便可以做手術，懇請大家抽出少少時間去驗骨髓，又或者出錢幫輕吓香港骨髓捐贈基金嘅驗骨髓經費，因為每個樣本嘅化驗費用要成五百蚊，好需要你哋嘅支持。
暖流熱線
電話:29908688
傳真:23702192
電郵:
網址：