馮寶寶、萬綺雯、陳煒和譚倩紅等，前日到廣州為亞視劇集《萬家燈火》宣傳，該劇在內地頗受歡迎，吸引了數百途人圍觀，現場安排了約數十名公安維持秩序。
馮寶寶和譚倩紅走近觀眾合照時，被口花花觀眾取笑要年輕些的演員，萬綺雯立即走出來說句公道話：「我覺得佢哋咁講好冇禮貌。」問萬綺雯可擔心在混亂場面遭人博懵，她說：「都唔怕，公安都叫我哋幫佢哋簽咗名，咁佢哋保護我哋會落力啲。不過剛才好亂，我成日俾人用筆插到手。」
陳煒在宣傳時亦被途人大叫其名字，她說：「我都好開心見到咁多人嚟捧場，但係呢度好焗，好似嚟咗桑拿室咁，好彩大會啲保安都好安全。」
記者卓寶花廣州直擊
