早輪，亞Mark曾提及原任勞斯萊斯M.D.嘅PeterGoh，將會過檔新公司出任要職一事，惹來唔少汽車行內嘅迴響，既然事情經已落實，亞Mark不妨報料畀大家知，Peter將於4月上旬出任上市公司利星行（238），專責中國、韓國同台灣三大市場嘅營運同銷售工作，當中重唔止涉及汽車業務㗎！又難怪能打動到Peter出任富挑戰性嘅要職啦！至於呢間利星行嘅業務範圍，或許一般普羅車迷未必知道，惟國內平治汽車嘅分銷商，早就劃分有主要嘅南星及北星等公司，而利星行就係後者響國內，其中一家主要銷售平治轎車嘅供應商，單係呢個業務涉獵嘅範圍，可不簡單呢！
至於接任Peter原有響勞斯萊斯位置嘅係JohnWong，佢響80年代亦曾出任過皇冠車行市場部嘅要職，對汽車銷售同營運，可謂係前輩級人馬㗎！然而，最可惜會係Peter離職前，全新勞斯萊斯Phantom未及運抵香港，相信新車快者要4月中旬，方能跟車迷見面呢！