旅遊事務局主席周梁淑怡呢輪成日坐住架棗紅色波子兩頭騰，有人以為佢想博出位上鏡，其實佢阿姐有要事急謀對策，就係搞好旅遊業界嘅誠信操守。
早前《南華早報》有篇報道，話一對來自內地嘅夫婦，因為受騙發誓唔再踏足香港；有本旅遊雜誌更叫啲遊客唔好去彌敦道嘅電器舖買嘢，加埋非典型肺炎，香港連唯一旺嘅旅遊業都分分鐘死埋。
八方有日想喺彌敦道某電器舖買電池都差啲中招，個哥哥開價六十大元，八方一向冇理電池價，但都覺得好貴冇買到。跟住去到九龍塘地鐵站嘅快圖美，粒電明碼實價賣二十二蚊，尖沙嘴班友仔真係太狼，害死香港。難怪周梁話一定要諗辦法搞掂班「曳仔」。
（圖）周梁淑怡呢輪成日坐住架棗紅色波子出現。
傳真︰2623-9278
電郵︰