梅艷芳和江華昨日出席在荃灣愉景新城舉行的「第三屆全港小學生父親節及母親節電子心意卡設計比賽」，二人分別擔任「IT愛心大使」及「IT創意大使」。
江華一直被指是翻版劉德華，而有傳心儀華仔的阿梅，昨日見他時亦冧到痹，二人有講有笑。阿梅事後被問到可覺得江華與華仔相似時說：「我頭先都同佢（江華）講，佢喺亞視嗰時已經好似。」問二人哪個較靚仔？阿梅說：「𠵱家又唔係十幾歲，總之各花入各眼，各有各嘅味道啦！」
近日盛傳劉嘉玲與梁朝偉情變，阿梅說：「上個禮拜我有同嘉玲通電話，佢哋兩個啱啱先去完日本。永遠都係咁，一男一女合作多咗，稍為熟絡啲就會傳緋聞，張曼玉嘅性格係唔會因為人哋講兩句就唔敢約朋友食飯。」
採訪：卓美娟 攝影：甄朝健