一直有指余文樂是最有機會威脅謝霆鋒的藝人，兩人年紀相近，同樣形象反叛，背景亦十分相似。阿樂入娛樂圈，原來背負着為父母還債的重擔，他現時所有的收入，除必須使費外，全部上繳屋企，至於現時最大的心願，是買層樓給父母住，但他亦有一個意想不到的隱憂，阿樂說：「可能我下個月已經玩完！」
二十一歲、入行近一年的余文樂，感覺上不像是新人，因為他的見報率奇高，緋聞不絕，舊情人指他負心、和鍾欣桐拍拖、和陳冠希撞膊、威脅謝霆鋒地位及露毛寫真等，無論是正面或負面新聞，觀眾的印象只是──余文樂近期好紅。
阿樂稱入娛樂圈，主要是因為父母，因為除了要替家人還債外，他還想家人生活得好些，他說：「九七之後大家都知發生乜嘢事，我屋企唔係負資產，樓都冇層，但重慘過負資產，爹哋之前開舖頭做生意，生意𠵱家已經結束，但重有欠債，𠵱家我搵嘅錢，全部畀晒屋企，除咗買衫、做嘢必須要用嘅錢會問媽咪攞，其餘全部畀晒屋企。我想佢哋過得好啲，所以壓力好大。」問阿樂父親可有考慮申請破產？他說：「呢樣嘢我冇問，佢哋自己會處理。」
余文樂最大的願望，是想買一層樓給父母，他笑說：「相信除咗賣毒品之外，都冇乜邊行可以好似娛樂圈搵錢咁快，我希望快啲可以搵到錢買層樓畀佢哋。」記者指以余文樂的走紅速度，想買層樓短期內應該有望，阿樂歎息說：「做呢行好難講，可能我下個月已經玩完！」
阿樂續說：「我已經好耐冇見過屋企人，對上一次係喺兩個禮拜前返過屋企食飯，但再對上嗰次就成幾個月冇見過。如果買樓，其實我想同屋企人一齊住，但爹哋媽咪唔鍾意住巿區，住得太遠又唔方便我做嘢。」
紅得快，令余文樂有點措手不及，他說：「如果有得畀我去選擇，我寧願所有嘢都嚟得慢啲，但呢啲嘢唔係我可以控制。有新聞又唔代表我做到嘢，我承認緋聞係令到觀眾以最快嘅途徑去認識一個藝人，但呢個係一個錯誤嘅觀」
